Badira hilabete batzuk Tertanga Kulturala proiektua martxan jartzeko apustua egin genuela, euskara sustatzeko eta datozen jardueren artean Domekerö! proiektua aurkezteko asmoa dugu. Haur eta familientzako euskarazko aisialdi programa.
Modu iraunkorragoan, herriko eta inguruetako haur eta familien aisialdirako arratsalde-pasak prestatu nahi ditugu igandero. Arabako Foru Aldundiak emandako laguntzari esker, dohainik eskainiko da ekintza hau eta euskararen erabilera indartzeko helburu argia izango du.
Igandero euskaraz, familian eta aisialdian gozatzeko aukera duzu Tertangan (Aiaraldea, Araba).
Doan eskaintzen den zerbitzua da eta parte hartze irekia dauka. Arratsaldez 16:30-18:30 bitartean dibertitzeko asmoa duen edonori zuzendua. Urriaren 26an hasi eta abenduaren 21ean bukatuko da.
Ez galdu aukera!
